سه‌ربازێكی پۆڵه‌ندی كه بۆ بیلارووسیا هه‌ڵاتووه ئاشكرای كرد كه سوپای وڵاته‌كه‌یان فه‌رمانیان وه‌رگرتوه بۆ ته‌قه‌كردن له‌و كۆچبه‌رانه‌ی ده‌یانویست له بیلاروسیاوه سنوور ببه‌زێنن.
ئیمیل شیشكۆ، ئه‌و سه‌ربازه پۆڵه‌ندییه‌كه‌ی كه ته‌لبه‌ندی نێوان وڵاته‌كه‌ی و بیلارووسیای بڕیووه و خۆی راده‌ست كردووه، دانی به‌وه‌دا ناوه كه فه‌رمانیان پێگه‌یشتووه ته‌قه له په‌نابه‌رانی سه‌ر سنوور بكه‌ن و تائێستاش سوپای وڵاته‌كه‌ی 240 په‌نابه‌ری كوشتووه.
ئه‌و سه‌ربازه له‌به‌رده‌م لیژنه‌ی لێكۆڵینه‌وه‌ی بیلارووسیا رایگه‌یاندووه كه له ساڵی رابردووه كوشتنی په‌نابه‌ران فه‌رمانی بۆ ده‌ركراوه و ئه‌وه‌نده‌ی ئاگاداره تائێستا 240 په‌نابه‌ر به گولـله‌ی سه‌ربازانی وڵاته‌كه‌ی كوژراون.
له‌سه‌ر سنووری نێوان بیلارووسیا و پۆڵه‌ندا هه‌زاران په‌نابه‌ر هه‌ن كه ده‌یانه‌وێت به‌ره‌و وڵاتانی ئه‌وروپا بڕۆن، زۆرینه‌ی ئه‌و په‌نابه‌رانه كوردی هه‌رێمی كوردستان و عێراقین لە دۆخێکی سەختدا دەژین، تائێستاش ژمارەیەک لەوپەنابەرانە بە فڕۆکە گەرێندراونەتەوە و زۆرێکیش لەسەر سنوورەکان ماون.