۱۴۰۳/۲/۱ ۴:۳۴
| تاريخ: ۱۳۹۹ دوشنبه ۲۷ مرداد ساعت ۲۰:۲۰ | بازدید: 1147 نظرات: 0 کد مطلب: 15115 |
تایبه‌تمه‌ندی و دیزاینی تاهۆی 2021 ئاشكرا كرا
كۆمپانیای شۆڤلێت له پێشانگاكانیدا یه‌كێك له ئۆتۆمبێله مۆدێل به‌رزه ناوازه‌كانی نمایش كرد كه بڕیاره ساڵی داهاتوو بیخاته بازاڕه‌وه، به‌ڵام به‌م كاره‌ی شۆڤلێت هه‌واداران سه‌رسام بوون، دیزاین و قه‌باره‌ی ئه‌و ئۆتۆمبێلی 2021ـه.
ماڵپه‌ڕی "caricos"ی تایبه‌تی ئۆتۆمبێله وێنه‌ی شۆڤلێته نوێیه‌كه‌ی بڵاو كردووه‌ته‌وه و ئاماژه‌ی پێ داوه، كۆمپانیای شۆڤلێت له پێشانگا تایبه‌ته‌كانی له ئه‌مه‌ریكا نوێترین ئۆتۆمبێلی جۆری "تاهۆی"ی 2021ی نمایش كرد كه دیزاینێكی جیاوازی بۆ داناوه له‌گه‌ڵ به‌هێزترین جۆری بزوێنه‌ر كه له‌ڕووی خێرایی و به‌هێزییه‌وه بێ ركابه‌ره.
تاهۆی مۆدێل تازە لەڕووی قەبارەوە گەورەتر کراوە و هێزی بزوێنەرەکەیشی زیاد کراوە
كۆمپانیای شۆڤلێت ئاماژه‌ی به‌وه‌یش داوه كه تاهۆی نوێ كراوه‌ته ئۆتۆمبێلێكی "هایبرید" و خاوه‌ن هێزێكی یه‌كجار زۆره كه بزوێنه‌ره‌كه‌ی هێزی 800 ئه‌سپی تێپه‌ڕاندووه، له‌گه‌ڵ بزوێنه‌رێكی گه‌وره كه 6.2 لیتره و هه‌شت پستۆنه، ئه‌مه‌یش وای كردووه نرخه‌كه‌ی بگاته 86 هه‌زار دۆلاری ئه‌مه‌ریكی.
شۆڤلێت یه‌كێكه له كۆمپانیا به‌ناوبانگه‌كانی ئه‌مه‌ریكا و دنیایه بۆ دروستكردنی ئۆتۆمبێلی به‌هێز. ئه‌و كۆمپانیایه له سێی ئه‌یلوولی ساڵی 1911 له‌سه‌ر ده‌ستی "لویس شۆڤلێت و ویڵیام دورانت" دامه‌زراوه و ئێسته ئه‌و كۆمپانیایه به یه‌كێك له باشترین كۆمپانیاكان داده‌نرێت بۆ دروستكردنی ئۆتۆمبێل له دنیادا.
|
