تاريخ: ۱۳۹۹ سه شنبه ۲۲ مهر ساعت ۱۲:۷ بازدید: 2228      نظرات: 15      کد مطلب: 15317

ماڵی قەڵب سەر وەسێحەبی!

"سمایل قادرپوور"


دەمێکە هەتیوباری و لێوبەباری و دەردەداری و مەینەت و ئازاری شارم گۆڕەوشارم دەدا.هیچ دەراوێکی‌ڕوون شک نابەم‌ و" مۆرە هەڵداوێم و بێهوودە بەهیوای دوو شەشم"!

بابە حاشاوەکەللا لەهەرچی شەشە بێزارم و بێهوودە بەهەویای هیچیش نیم!

لەلایەک "گرانی "و گرانی گوێی بەرپرسان وخرپ خرپ نوستنیان لەگوێی گای دا و لەولاشەوە تاقمێ خەریکن بە هاودەستی و چاوساغی سێحەب‌ماڵ، گای بەکولانەی دا هەڵدەکێشن و خۆشیان هەڵدەکێشن کە بەڵێ خزمەتکاری گەلن!

دزێک پەیتا پەیتا بە ئاوەدانی فێر ببوو،

کە پێ‌و‌شوێنیان گرت،جێ‌پێ‌کانی لە جێ‌پێی‌چەکمەی‌کەیخودا دەچوو.

هەرکەسە شتێکی‌گوت.

یەکێ وتی:دز چەکمەکانی‌کەیخودای دزیوە.

ئەوی‌تر وتی:چەکمەکانی‌دز لەچەکمەکانی کەیخودا دەچێ.

دێوانەیەک هەڵیدایە و گوتی:خەڵکینە دز  خودی کەیخودایە!

جەماوەری ئاوەدانی لەدڵیان گران‌هات و وتیان کەیخودا وەدڵی مەگرە،ئەمە شێتە و نافامێ!

بەڵام لەو نێوەدا هەرکەیخودا دەیزانی کە ئەم دێوانەیە تەنیا ژیر وتێگەیشتووی ئاوەدانی‌یە...

گەلۆ کەیخودا و مشوور خۆری وامان کەم نین کە بە چەند قۆڵی،قۆڵیان لە وێرانکردن هەڵماڵیوە و بەجێگەی "ڕمێن"گەشە بە "ڕمان" دەبەخشن!

بەئیخلاسەوە دێن و بەئیختلاسەوە دەڕۆن.خەییام دەفەرموێ:

خۆزی وەکوو مەی درۆ و دزیش

مەستی ئەکرد

مەردێکم ئەویست کە بیگوتا وشیارم

شاعیرێکیش دەڵێ:

گر حکم شود که مست گیرند

در شهر هرآنچه هست گیرند

بە هەزار ئەڵڵا ئەڵڵا و ئایەتەلکورسی گەیشتە کورسی،هێندەی پێ ناچێ بەیتولماڵی دەگەڵ موفتولماڵ لێ دەگۆڕێ

مەسەل دەڵێ:

کەر بەبارەوە قووت دەدا بۆخۆی/

دەڵێ بەیتولماڵ حەرامە نەیخۆی/

تەلیس تەلیس ئیختلاس‌و پارت و تومان‌و ئاپارتومان بەری‌چاوی‌دەگرێ‌و تەمەنی‌لەپێناو تمەن‌دا بەخت دەفەرموێ.ئەو کە لەتاو پلە‌ و مەقام دەتکوت ئەستوور بوو،وردە وردە ملی

 لێ ئەستوور دەکا تا ئەم جێیە کە دەوراندەوری‌ملی بەقەرا یاردێکی لێ‌دێ(یارد شتێک لە گەز کەمترە)بۆیە ئەشێ پێی بوترێ: "مل‌یارد" !

بەرە بەرە عاشقە "میلیارد" دەبێ و بە هاوبیری و هاریکاری چەن مل‌یاردی تر ،چەندین و چەندین میلیاری‌تر وەسەریەک دەنێ و دڵیشی بەوە خۆشە کە مشوورخۆر و کەیخودای کۆمەڵگایە.وەنیە لەخۆی بپرسێ:

خودا کەی کەیخودای ئاوای قەبووڵە؟!

سەبارەت بە"مشوور خۆر" و مشوور خۆری"ش قسە زۆرە کە پێویستە بەندە کورتی ببڕمەوە و ئەمەندە بێژم کە،

 "مشوور خواردن" فێعلێکی موڕەککەبە و لە دوو بەشی "مشوور" و "خواردن" پێکهاتووە. مشوور خواردن ئەرکێکی گەلێ پیرۆزە بەڵام پاشگری" خواردن" تێکی داوە.بۆیە ئەز گەرەکمە تێر و پڕ بۆت لە خواردن بدوێم.

"مشوور" دەخورێ بەڵام ئەو خواردنە نیە کە قەپاڵی لێ داگیرێ،بۆیە مشوور خۆری شار و کۆمەڵ،سەری حەوت کێوانی لێ وێک دێ ،فکری بۆ ساز دەبێ و ئەم پرسیارە و دەیان پرسیاری‌تر سەرانسوێی زەین و مێشکی دەدا کە هەیاران خواردنێک پارووی لێ بانەدرێ و پیاو گۆشتی پێ نەگرێ و تەنگەی پێ زل نەکا و لاگیپانی پێ هەڵنەمسێنێ،کوێی خواردنە!!

هەژار چەن‌جوان دەڵێ :

مەلاو شێخ هەرچی فەرموویان لەباسی خواردنا ڕاستە/

کە سالک بی‌خبر نبود زراه و رسم منزلها/

پەتاتە خۆرەکان با ڕێک کەوین و چاری زگمان کەین/

کجا دانند حال ما پڵاو خۆران و زگ زلها/

لێرە دایە کە بەناو مشوور خۆران، لێمان دەبنە پڵاو خۆران و زگ زلها و بە"تێڕ" بخۆن، "تێر" ناخۆن!

ئەوەت لەخواردنی مشوور خۆرانی ئێمە.

بەڵام با سەیرێکی خورد و خۆراک و ژەمی خواردنی ڕووناکبیرانی خاوەن هەست

 بکەین:

من لە تەوری عالەم و جەوری فەلەک/

زەربی لازیب،زەخمی بێ مەرهەم دەخۆم/

تاڵیی بێ‌یار و دیار و تار ومــــــــار/

عەڵقەمی چی! ئەڕقەمی چی! سەم دەخۆم/

فەرموو،ئەوەشت لە خورد و خۆراکی‌

نالی مەزن!

مشوورخۆرانی نان‌و دۆبڕی ئێمە، "خواردن‌دان"یان لە "مشوور‌دان"یان پتری دەبا.

دەڵێی بەگوێیان نەگەیشتووە کە:

"پخۆن و پخۆنەوە،بەڵام زێدەڕەوی مەکەن" فەرموودەی کێیە و بۆ کێ وتراوە؟

یان ڕەنگە هەر ئەوەندەیان بیستبێ کە

"بخۆن و بخۆنەوە" و ئیتر بەس!

ڕەنگە "بخۆنەوە"ش بەواتای "دیسان و دیسان و دیسانیش هەربخۆن" شڕۆڤە بکەن!

بخۆن و بخۆنەوە!!!!

لەکۆمەڵیگادا تاقمێکی‌زۆر دەبێ هەمیشە کار بکەن و کەم بخۆن هەتا تاقمێکی چەند کەسی قەت کارنەکەن و هەمیشە بخۆن بۆیەشە مشوور‌خۆرە شارخۆرەکانمان لەبەرخواردنێ،

سەری‌خۆیان‌پێ‌ناخورێ‌و بێوچان و بێ‌پشوودان،فێعلی‌خواردن سەرف‌دەکەن

و قەت پێخور بەخواردنێ‌ناکەن، ئەوان لەهەموو کەس زیاتر تێر نەخواردنیان پێ لە باب مردنێ ناخۆشترە!

دروشم دەدەن و دەفەرموون:

"خوردندو خوریم و دگر ‌آیند و خورند"!

دیسان دێمەوە سەر شێعرە‌ بەئاووتامەکەی مامۆستا هەژار کە فەرمووی:

پەتاتە خۆرەکان با ڕێک کەوین و چاری زگمان کەین/

کجا دانند حال ما،پڵاو خۆران و زگ زلها/

دڵنیام ئەگەر ئەم هۆنەرە بیرتیژ و ناسک‌خەیاڵە مابا،ئێستا نووسینێکی تێرو تەسەلیشی لەژێر ناوی"شەش لەپەنای خاڵ و سیفری بێ بڕانەوە" دەنووسی!.



برچسب ها: کورد, کوردانه, کوردی

ارسال به دوستان
ارسال به دوستان
چاپ
نسخه چاپی


نظر کاربران

0
0
پاسخ به این اظهارنظر

۱۴۰۰/۹/۲۶
بژی و دەسخۆش و ئافەرین و قەڵەمت هەروا لەگەڕ دابێ.
0
0
پاسخ به این اظهارنظر

۱۴۰۰/۹/۲۶
بژی و دەسخۆش و ئافەرین و قەڵەمت هەروا لەگەڕ دابێ.
0
0
پاسخ به این اظهارنظر

خدرگه روری ۱۴۰۰/۱/۱۱
زورجوان وبه پیز بوو
به له باری شی کرابووه
ریزم هه یه بو به رپرسیاریه تی وماندوو نه بوون تان
هه ربژین به سه ربه رزی وبه رده وام بوخزمه ت به گه ل ونیشتمان
2
2
پاسخ به این اظهارنظر

کریم عبداللهی ۱۳۹۹/۷/۲۴
سلاو کاکه اسماعیلی به ریز .گه لو قونی زل نه ک زه ره ر نیه له قونی زل باشتر هه ر نیه .با بخورن قاز وقه ل قه له وکه ن قونی به‌د فه ر .ئیسماعیل مه که منعی قونی زل توش بوخوت هه ته ئه و زل .زلی تو هی حلاله .هی وان نرم و به تاله.گه لیکم دیت قون زلان .کیفم پی هات وه ک چه لان.به لام قونی مفته خور هه زل ده بی و نرم و نول.یاره ب به هه ش دا بچی قونی بو ر ی مفته خور .مفتوالمال وه کو تیریک قونی بهاری به شیریک.قونی بباته بن گل ما ر ده ئه ستوی دا بکا خل خل.مکه ن تا نه ی قون زلان مکه ن لومه ی ور گنان .قون به خیو که ری وه ک وان با بیهاری ئاشی زه مان . گه ل رایان مالن وه ک سه گی هار.ده نا ئه وان ده که ن هاره هار .که س نیه بلی بو ا ده که ن .داربک ده ..... را که ن .ئیسمال گیان خه م مه خو با جاری بکه ن هات و چو.
1
0
پاسخ به این اظهارنظر

دانیشتوی کوی تار ۱۳۹۹/۷/۲۴
‌مصداقی فەرمایشی آغای قادرپووری بەڕێز، زمین خواری لە داوێنی کێوی بەرانبەر باغی مکایلی یە.
0
0
پاسخ به این اظهارنظر

۱۳۹۹/۷/۲۴
زۆر بە جوانی و بە چاکی ناسیوتن دەستت خۆش قەڵەمت رەنگین پیاو کەیف دەکا بە خواردنی بێرادەی وان و شی کردنەوەی بە هێزی ئێوە لەشت ساغ و خامەت رەنگین
0
0
پاسخ به این اظهارنظر

۱۳۹۹/۷/۲۳
بژی مامۆستای ئازیز بەڵام پێت وانەبێ کەس تەقەشی لەیەری بێ....ڕەنگە هەر ئەوان!بڵین ئەرێ ئەوە مەلا سمایل لەگەڵ کێی بوووو؟؟؟؟!!!!
1
0
پاسخ به این اظهارنظر

۱۳۹۹/۷/۲۳
هەزار ئافەرین . بژی
0
0
پاسخ به این اظهارنظر

کمال ۱۳۹۹/۷/۲۳
جوانه آقای قادر پور، ده لین ده نگی ده هل له دور را خوشه، شاید ایمیش هل کویی لوانه هر رانوستین
0
0
پاسخ به این اظهارنظر

واژی ۱۳۹۹/۷/۲۳
کاک ئیسماعیل دەست و چاووت خۆش بێ......
0
0
پاسخ به این اظهارنظر

۱۳۹۹/۷/۲۳
آفرین عالی بو
0
0
پاسخ به این اظهارنظر

کمال رشید پوری ۱۳۹۹/۷/۲۳
ده ست و چاوت خۆش بێ نوسراوێکی به تام وخوێ بو ئه گه ر مشوور خۆرانیش!پێی نه پرینگێنه وه خوێنه رانی پێ وشیار ده بێته وه...دیسان ده ست خۆش
0
0
پاسخ به این اظهارنظر

۱۳۹۹/۷/۲۳
زوور جووانه ده ست خوش
0
0
پاسخ به این اظهارنظر

کمال ۱۳۹۹/۷/۲۳
زۆر جوان و بەپێز بوو قسەی دڵی هەمووانە
11
4
پاسخ به این اظهارنظر

۱۳۹۹/۷/۲۳
ده ست خوش ئای قادرپور👍👍👍
پیمان اوند ۱۳۹۹/۷/۲۳
دست خوش درود برشرفت👏👏👏👏👏👏

نظر خود را براي ما ارسال كنيد