۱۴۰۳/۱/۳۱ ۹:۵۵
| تاريخ: ۱۴۰۰ پنج شنبه ۲۱ مرداد ساعت ۱۴:۵۶ | بازدید: 2861 نظرات: 0 کد مطلب: 16403 |
په‌یامی بنه‌ماڵه‌ی مامۆستا هه‌ژار بە بۆنەی شێواندنی پەیکەرەی ئەم کەسایەتییە ناودارە
به‌پێی هه‌واڵیی هاژه، بنه‌ماڵه‌ی مامۆستا هه‌ژار بە بۆنەی شێواندنی پەیکەرەی ئەم کەسایەتییە ناودارە پیامێکیان بڵاو کرده‌وه.
ده‌قی په‌یامه‌که به‌و شێوه‌یه:
بە ناوی خوای دلۆڤان
سڵاو و ڕێز خزمەت خەڵکی خۆشەویستی مەهاباد
بەداخەوە هەواڵی ئاگردانی پەیکەرەی مامۆستا هەژار دڵی خەڵکی خۆشەویستمانی هەژاند و بوو بە مایەی ناڕەحەتی و سەرسوڕمانمان.
ئێمەش وەک بنەماڵەی ئەو کەسایەتیە ئەم کارە ناشیرین و قیزەونە کە بێ حورمەتیە بە گەورەکانی وڵاتەکەمان، بە توندی مەحکوم و ڕەت دەکەینەوە و داوا لە بەرپرسان و کاربەدەستان دەکەین بە زووترین کات ئەو کەسانە بدۆزنەوە و بە پێی یاسا لەگەڵیان بجوڵینەوە.
مامۆستا هەژار و بیر و باوەڕ و بەرهەمەکانی زۆر گەورەترن لەوەی کە بە ئاگردانی پەیکەری بتوانن لە ناو دڵی خەڵک بیستڕنەوە و ناوی ئەم کەسایەتیانە لە دڵی مێژو و خەڵک تا دنیا هەبێ چەقیوە و دیتمان کە ئەم کاره بە پێچەوانە بوو بە هۆی ئەوە کە هەستی پاکی خەڵک زیاتر بەرز بێتەوە.پەیکەری مامۆستا هەژار تەنیا سمبۆلی شاری مەهاباد نیە و سمبۆلی فەرهەنگ و زانستی نەتەوەی کوردە و بێ حورمەتی بەم کاسایەتیه و پەیکەری دیارە بێ حورمەتی بە تەواوی خەڵکی کورده.
دەستخۆشی لە ئازیزانی ئاگرکوژێنەوە و شارەداری مەهاباد دەکەین کە بە زووترین کات ئاگرەکەیان کوژاندەوە و خەریکی خاوێن کردنەوەی پەیکەری مامۆستا هەژارن.
هەروەها ڕێز و حورمەت و پێ زانین بۆ خەڵکی بە شەرەف و دڵسۆزی مەهاباد کە هەستی خۆیان لە ڕێگای تەلەفۆن و توڕە کۆمەڵایەتێکان دەربڕی.
لە کۆتایی دا داوامان لە خەڵکی خۆشەویستی مەهابادی سەربەرز هەیە کە پێش ڕوون بوونەوە و دۆزینەوەی تاوانبارانی ئەم کارە بە ئیحساساتەوە کارێک نەکەن کە ببێتە مایەی نێوان ناخۆشی و چەند بەرایەتی و ناکۆکی.باشتر وایە چاوەڕوانی وەڵامی بەرپرسانی یاسا بین.
بە سپاسەوە.
بنەماڵەی مامۆستا هەژار
