ڕێککەوتنی سووریا و عەڕەبستان دوای دوو دەیە ناکۆکی

سووریا و عەڕبستانی سعودی ڕێککەوتن جارێکی دیکە باڵیۆزخانەکانیان لە پایتەختی وڵاتاکەنیان بکەنەوە.

ڕۆژی پێنجشەممە، ٣ی خاکەلێوە، سێ سەرچاوەی دیپلۆماسی کە ئاگاداری پرسەکەن بە ئاژانسی ڕویتەرزیان راگەیاند، کە حکومەتی هەردوو وڵات "ئامادەکاریی بۆ کردنەوەی باڵیۆزخانەکان لەدوای جەژنی ڕەمەزان دەکەن ". 

بەگوێرەی یەكێک لە سەرچاوە دیپلۆماسییەکان، بڕیارەکە لە ئەنجامی دانوستاندنی بەرپرسانی عەڕبستانی سعودی و بەرپرسانی هەواڵگریی سووریا هاتووەتە ئاراوە. 

بەگوێرەی سەرچاوە دیپلۆماسییەکان، پەیوەندییەکانی نێوان ریاز و دیمەشق لەدوای رێککەوتنێک بۆ دروستکردنەوەی پەیوەندیی نێوان سعودیە و ئێرانی هاوپەیمانی سەرەکی حکومەتی سووریا، پێشوەچوونیان بەخۆوە بینوە.

دروستکردنەوەی پەیوەندیی نێوان ریاز و دیمەشق، دەبێتە یەکێک لە پێشوەچوونە هەرە دیارەکان لە دەیەی رابردووی سووریادا کە لەلایەن وڵاتانی عەرەبییەوە دەستپێشخەریی بۆ کراوە بۆ ئاساییکردنەوەی پەیوەندیی نێوان وڵاتەکانیان لەگەڵ حکومەتی سووریا کە بەشار ئەسەد سەرۆکایەتیی دەکات.