تاريخ: ۱۴۰۳ جمعه ۱۵ تير ساعت ۱۱:۹ بازدید: 764      نظرات: 0      کد مطلب: 23346

کورتە باسێک لەسەر ئاڵبۆمی وێنەکانی کاخی گوڵستان

مێهـرداد ڕامیـدی نیا


ماوێکە هەواڵی بڵاو بونەوەی چەند ئاڵبۆمێکی وێنە کۆنەکانی کوردستان پارێزراو لەکاخی گوڵستانی تاران هەمو شوێنێکی فەزای مەجازی تەنیوە.
ڕۆژ نییە دۆستانی بەڕێزم لێرو لەوێ لینک و نیشانی ئەو ئاڵبۆمانە و وێنە کانی تایبەت بە کوردستانم بۆ نەنێرن، هەڵبەت ئەوە نیشانەی لوتف و دڵسۆزیانە و سپاسگوزاریانم.
بەڵام حەقیقەت ئەوەیە ئەو ئاڵبۆمانە بۆ یەکەم جار نییە بڵاو دەکرێنەوەو دەمێک ساڵە لەکتێب و گۆوارو ڕۆژنامە فارسی و بەشێکی بەرچاویان لە گۆوارو کتێبە کوردییەکانیش دا چاپ و بڵاو کراونەتەوە.
دو لەو ئاڵبۆمانە تایبەت بە وێنەکانی سابڵاغی سەردەمی قاجار ( مهابادی ئێستا) و ناوچەکوردنشینەکانی دین. 
یەکیان هەر ئاڵبۆمی وێنەکانی عەلیخانی والییە کە خۆی وەک وێنەگر لە سابڵاغی ئەوان سەردەمانەوە  بگرە تا سنە و کرماشان گرتوونی و ئیستا لە زانکوی هاروارد پارێزراون. وێنەکانی ئاڵبۆمی عەلیخانی والی بە شێوەی کتێبی سەربەخۆش چاپ و بڵاو کراونەتەوەو دەمێک ساڵە لەسەر سایتی زانکۆی هاڕوارد دانراون.  هەر لە سەردەمی قاجار و لە کاتی دەسەڵاتداری ناسرەدین شا کە زۆر ئۆگری وێنەگری بووە نوسخەیەکی ئەو ئاڵبۆمە لە کاخی کوڵستانیش دا ئاڕشیو کراوە.
دیارە وێنەکانی ئاڵبۆمەکەی دیش کەم و زۆر لە گۆوارو کتێبە گەلی تایبەت بە وینەگەری و مێژوی وێنەگرتن لە ئێران، مێژووی قاجار و ڕوداوەکانی پەیوەنوویدار بەو سەردەمە و  لەهەندێک کتێب و گۆواری کوردیش دا بڵاو کراونەتەوە ئەوەندەی لە بیرم بێ بەشێکی ئەو وێنانە لە ژمارێکی تایبەتی حەوتەنامەی سیروان ( مانگنامەی کاتی سیروان،تایبەت بە مهاباد) دا بڵاو کراونەتەوە .سەرجەم وێنەکان لە باری مێژویی و  مەردمناسی ئەو سەردەمە بەڵگەگەلێکی هەرە،گرینگ و تایبەتن.
سەیر ئەوەیە هەندێک لە دۆستانی نوسەر و بەرپرسی گۆوار و چاپخانە و بڵاوۆکی کوردیش بە گوڕ و تینی نەبڕاوە لێر و لەوێ باسی دۆزینەوەی ئەو ئاڵبۆمانە دەکەن و پێیان وایە گەنجینێکی تائێستا نەدیتراوو تازە دۆزراوەن،ئەوە نیشاندەری ئەوەیە ئاستی ئاگاهی و وشیاریان لەو بوارەدا زۆر لەخوارێیە.
مهاباد، ٦ی پوشپەڕی ١٤٠٣



برچسب ها:

ارسال به دوستان
ارسال به دوستان
چاپ
نسخه چاپی


نظر کاربران


نظر خود را براي ما ارسال كنيد