| تاريخ: ۱۱ تیر ۱۴۰۵ ساعت ۱۲:۴۷ | بازدید: 31 نظرات: 0 کد مطلب: 25958 |
چەندین ساڵ چاوەڕوانیی بێئاکام بۆ ئەسفاڵتی ڕێگای باگردان بۆ قەڵات سنان!
دەنگی خەڵک
گەیاندنی خزمەتگوزاریی سەرەتایی وەک جادەی ئەسفاڵت بۆ گوندەکان، نەک تەنیا مافێکی سەرەتاییە، بەڵکوو گرینگترین هۆکارە بۆ گەشەی کشتوکاڵ و مانەوەی گوندنشینان لە سەر زێدی خۆیان. پشتگوێخستنی چەندین ساڵەی پڕۆژەی ئەسفاڵتکردنی ڕێگای باگردان تا قەڵات سنان، لەگەڵ دروشمەکانی ئاوەدانکردنەوەی گوندەکاندا یەکناگرێتەوە.
دەقی پەیام و گلەیی هاووڵاتیی دانیشتووی ناوچەکە:
«سڵاو و ماندوو نەبن بۆ کاناڵی هاژە. ڕێگای "باگردان تا قەڵات سنان" چەندین ساڵە بڕیارە و بەڵێنیان داوە ئەسفاڵتی بکەن، بەڵام داخی گرانم تا ئێستاش هەر بە نیوەچڵی و بەڵێنی بێکردار ماوەتەوە!
دۆخی جادەکە زۆر زۆر ناخۆش و خاپوورە؛ چاڵ و چۆڵی و دۆخی خراپی ڕێگاکە ژێروبەندی ئۆتۆمبێلەکانی لێ بڕیوین و هاتوچۆی ڕۆژانەی گوندنشینانی تووشی کێشەی جیدی کردووە. تکایە ئەم دەنگەمان لە هاژەدا بڵاو بکەنەوە، بەڵکوو بەرپرسانی ڕێگاوبان پڕۆژەکە لە کۆما دەربهێنن و ئاوڕێک لەم ناوچەیە بدەنەوە».
١۴٠۵٫٠۴٫١۱
|
