تاريخ: ۱۳۹۷ چهارشنبه ۶ تير ساعت ۱۳:۶ بازدید: 724      نظرات: 0      کد مطلب: 8673

ژمارەی 205ی گۆڤاری مەهاباد چاپ و بڵاو کرایەوە


بە پێی هەواڵی هاژە، ژمارەی 205ی گۆڤاری مەهاباد چاپ و بڵاوکرایەوە.

سوارە فتووحی لە سەروتاری ئەم ژمارەیە "قەیرانی ئاو و گرژییەکانی دواڕۆژ" دێنێتە بەر باس و شرۆڤە و بە گوتەی خاوەن‌ ڕایان بە گەورەترین قەیرانی سەدەی 21 ناو دەبات.

فتووحی لە درێژەدا باس لە هۆکارەکانی ئەم قەیرانە دەکات و "زیاد بوونی ڕێژەی دانیشتوانی گۆیی زەوی، ڕەچاو کردنی ستانداردەکانی ژیانی سەردەم، گەشەی سەنعات و پیشەسازی و ئابوور و کشت‌وکاڵ" بە هۆکارە سەرەکییەکانی گۆڕینی ڕوخساری گۆیی زەوی و بەتایبەتی کەم ئاوی ناو دەبات.

نووسەر لە بەشێکی‌تردا تیشک دەخاتە سەر قەیرانی کەم‌ئاوی و کاریگەری ڕاستەوخۆی ئەو لە سەر ڕەهەندی ژیانی مڕۆڤ و "گۆڕانی ڕووخساری زەوی، برسێتی، کۆچی بە کۆمەڵ، بێکاری و توندوتیژی دەسەڵاتداران" بە ئاکامی ئەم قەیرانە ناو دەبات.

فتووحی لە سەروتارەکەیدا لە سەر قەیرانی کەم‌ئاوی لە ئێران دەدوێت و بێجگە لە هۆکارەکانی گۆڕینی کەش‌وهەوا لە ماوەی ئەم چەند ساڵەدا هۆکارگەلێکی وەک "ڕەچاو نەکردنی ستانداردەکانی زانستی بە نیسبەت سەرچاوە ئاوییەکان، هەڵکەندنی چاڵاو بە ڕادەی زۆر و بەبێ گەڵاڵە، ساز کردنی بەنداو بە شێوەیەکی ناکارامە و نەگونجاو، زیاد بوونی ڕێژەی جەماوەر، کەڵک وەرگرتنی نەگونجاو لە ئاو و خەسار کردنی" بە بەشێکی‌تری هۆکارەکانی ئەم قەیرانە دەلکێنێت.

ناوبراو لە سەر ئاسەوارەکانی کەم‌ئاوی لە ئێران بە گۆلی ورمێ و ڕووباری زایەندەڕوود ئاماژە دەکات و لە سەر گۆلی ورمێ دەنووسێت: "سبەی با و گژەبا خوێی گۆلی ورمێ هەڵدەگرێ و بە سەر زەوی‌و‌زاری ناوچەکەدا دەیپڕژێنێ، ئەو خوێیە وەک مار، لە ئەوکی بەرهەمەکانی مووچە و مەزرای دەڤەرەکە دەهاڵێ و تەواو ویشکی دەکات. کێشەکه هەروا پەرە دەگرێ و وای لێدێ کە ئاوی خواردنەوەش دەست ناکەوێ".

فتووحی لە کۆتایی وتارەکەیدا ڕاگواستنی ئاو لە پارێزگا خاوەن‌ئاوەکان بۆ پارێزگا کەم‌ئاوەکان بە ڕێگا چارەی کاتی ناو دەبات و دەڵێت دواتر هەر ئەم پارێزگایەی کە ئاوی لێ ڕاکێشراوە بۆخۆی تووشی ئەم قەیرانە دەبێ وەکوو چلۆن ئاوی ڕووباری زایەندەڕوود بۆ یەزدێ ڕاگوازترا و ئێستا ئیسفەهان لە بێ‌ئاویدا دەناڵێنێ و تووشی قەیرانی بێ‌ئاوی هاتووە.

وتارەکانی ئەم ژمارەیە لە چەند بەشی کۆمەڵایەتی، فەرهەنگی، هونەری  19 وتاری کوردی، 6 وتاری فارسی له‌خۆ دەگرێ کە فایلی "کەونەنیشتمان" و "وەرزشوانانی سەرکەوتوو / سەید محەممەدئەمین شێخ‌مەندی" لەم ژمارەیه‌دا بەرچاو دەکه‌وێ.

 

وتارە کوردییەکان بریتین لە:

 

قەیرانی ئاو و گرژییەکانی دواڕۆژ / سوارە فتووحی

وە من ... / ئەحمەد بەحری

شەڕەف‌خان بە مردنی خۆی نەمردووە، کوژراوە / زامدار ئەحمەد

تایبەتییە موکریانییەکانی زمانی هێمن / عەزیز ئالی

هونەری بێدەنگی / سەلاح گوڵ‌ئەندامی

پێوەندیی کۆنسێرواتیزم و مازوخیزم لە ژنێک / هێرۆ کەریمی

کەنار "شەپۆل"ی لە باوەش گرت / کەریم سۆفی‌مەولوودی

خوێندنەوەیەکی ڕەخنەگرانە / هێمن ئەمینی

حەمەدەمین ڕۆستەمی / هومێد

سەیدئاوای جەمیان / ئیبڕاهیم حەسه‌نی (جەمیانی)

غەیبەت‌نامەی کاسەرۆک و ...! / ئەحمەد ئەحمەدیان

سەفەرنامەی "دەبلیو ئاڕ هەی" بۆ ڕانیە و پشدەر / ئاوات سەید ئەحمەد

کۆچی دوایی مامۆستا مەلا عەزیز تەئیید / محەممەد ئەحمەدیان

بەیتی میرسالار و گوڵ‌پەری / حەیدەر لوتفی‌نیا _ لوقمان نادرپوور

ڕوون‌کردنەوەیەک لە سەر کێشی پێک (وزن عروضی) / ڕامان غەفووری

هایکۆ و وێژەی کوردی / قاسم تاباک

سەید قادر هیدایەتی / قاسم تاباک

مێژووی ئه‌دەبیی نووسراوەی کوردی / ڕەستگار ڕەزاقوڵی

ڕیشاڵە ئاڵتوونییەکانی خۆر /

 

وتارە فارسییەکان بریتین لە:

فرود و فرازهای عملکرد شواری شهر و شهرداری مهاباد / شریف عظیمی

مرگ تراژیک برادرم سلیمان / وهاب فهمی

منشات میرزا یوسف ساوجبلاغی / عزیز یوسفی

صعود به قله‌ی کلیمانجارو / اشرف مرادی

آواز هوره در دیواندره / عبدالله مرادی

زمینه‌های وقوع سرقت و ... / معاونت اجتماعی فرماندهی انتظامی مهاباد

ڕووبەرگی ئەم ژمارەیە لە وێنە "هاودڵان"ی هادی زیائەدینی پێکهاتووە




ارسال به دوستان
ارسال به دوستان
چاپ
نسخه چاپی


نظر کاربران