تاريخ: ۱۴۰۱ دوشنبه ۳۰ خرداد ساعت ۸:۳۶ بازدید: 419      نظرات: 0      کد مطلب: 19359

بۆچی منداڵان هەست بە ترسێکی زۆر دەکەن؟


پسپۆڕانی دەرونی ئاماژەیان بەوەکرد، هەڵە و هەڵسوکەوتەکانی دایک و باوک دەبنە هۆی ئەوەی منداڵەکانیان زیاد لە پێویست هه‌ست بە ترس بکەن و متمانەیان بە خۆیان نەبێت.
 
بەگوێرەی ماڵپەڕی "daydaynews " چەند هەڵەیەکی دایک و باوکان هەن کاریگەری نەرێنی دەکەنە سەر کەسایەتی منداڵەکانیان، لەوانەش:
 
گرنگپێدانی زیاد لە پێویست
گرنگپێدانی زیاد لە پێویستی دایکان و باوکان بە منداڵەکانیان کاریگەری نەرێنی لەسەر منداڵەکانیان دەبێت، لەبەر ئەوەی ناتوانن خۆیان بەرپرسیارێتی هەڵبگرن و بەردەوام هەست بە ترس و دڵەڕاوکێ دەکەن.
 
دوورخستنەوەی منداڵان لە ژێنگەی دەرەوە
هەندێکجار دایکان و باوکیان لە پەرۆشییان بۆ منداڵەکانیان رێگەیان پێنادەن تێکەڵی ژینگەی دەرەوەی خێزانەکەیان بن، ئەوەش وادەکات ترسیان لە تێکەڵبوون لەگەڵ کەسانی دیکە هەبێت و گۆشەگیر بن.
 
کێشەی بەردەوامی دایک و باوک
دروستبوونی کێشە و دەمەقاڵێی بەردەوام لە نێوان ژن و مێردا کاریگەری خراپی دەبێتە سەر منداڵەکانیان، تەنانەت لە داهاتووشدا کاریگەری نەرێنی لەسەر هەڵبژاردنی رەگەزی بەرامبەریان دەبێت بۆ ئەوەی بیانکەن بە هاوسەری خۆیان و ناتوانن کەسی شیاو بدۆزنەوە.
 
هاوارکردن بەڕووی منداڵدا
هاوارکردن بەڕووی منداڵان و توڕەبوونی لێیان دەبێتە هۆی ئەوەی نەتوانن رووبەڕووی کەسانی بەرامبەر ببنەوە، تەنانەت ناتوانن پارێزگاری لە خۆشیان بکەن.



ارسال به دوستان
ارسال به دوستان
چاپ
نسخه چاپی


نظر کاربران


نظر خود را براي ما ارسال كنيد